«дониёр ғаниев» тегли мақолалар
Дониёр Ғаниев депутатлик фаолиятини якунлаганини эълон қилди
ЎзЛиДеП фракцияси аъзоси Дониёр Ғаниев депутатлик фаолиятини муддатидан аввал якунлаганини эълон қилди. «Бу фаолиятда давом этиш ўзим учун ҳам, сайловчилар учун ҳам манфаатли бўлмаслигини тушуниб етдим», — деб ёзди у. Ғаниев ишини Вазирлар Маҳкамасида давом эттиради.
«Ҳукумат газ субсидияларига 9,5 трлн сўмдан ортиқ маблағ ажратилмаслигини билдирди» — депутат
2024 йилда газ субсидиясига 9,5 трлн сўмдан кўп бўлмаган маблағ ажратилган, бироқ унинг 85 фоизи биринчи чоракда ўзлаштириб бўлинди, деди ҳукумат аъзоларининг сўзларига таянган депутат Дониёр Ғаниев. Аммо унда субсидиялар ҳажми ва ижтимоий соҳада ўзлаштирилмаган харажатларга оид саволлар туғилган.
«Энергия ислоҳотимиз фақат битта қадам бўлиб қолиб кетади, деган қўрқув бор» — депутат Дониёр Ғаниев
Депутат Дониёр Ғаниев электр энергияси таннархини шакллантириш бўйича аниқ ҳисоб-китоблар йўқлигини таъкидлади. «Ҳозир биз нархларни гўёки таннархгача олиб келяпмиз, лекин бундай шаффофлик йўқ тизим билан таннархлар яна икки баробар ошиб кетмаслигига ким кафолат беради?» — деди у.
ЖСТга қўшилиш ўзимиздан ўзимизни ҳимоя қилишимизга ёрдам беради — Дониёр Ғаниев
Депутат Дониёр Ғаниев Ўзбекистоннинг Жаҳон савдо ташкилотига аъзо бўлиши, биринчи навбатда, мамлакат ўзини ўз ичидаги турли лобби гуруҳларидан ҳимоя қилиши учун кераклигини айтди. «Эркин савдодан ютадиганлар доим ютқазадиганлардан кўп бўлади», — дея қўшимча қилди у.
Депутат ҳукуматдан газсиз аҳоли учун электр бўйича ижтимоий нормани оширишни сўради
Қатор ҳудудлар аҳолиси газ билан таъминланмаган ва қишда электрдан иситиш учун фойдаланишга мажбур бўлмоқда, деди депутат Дониёр Ғаниев. У ҳукуматдан қишки давр учун ижтимоий нормани (ҳозир ойига 200 кВт/соат) оширишни сўради. Бош вазир ўринбосари Жамшид Қўчқоров масалани ўрганишга ваъда берди.
Сенат ҳуқуқ-тартибот ходимлари видеоларини «обрўсизлантириш мақсадида» тарқатишни тақиқловчи ўзгартиришни ҳали ҳам кўриб чиқмади
Ўзбекистон Сенати ҳуқуқ-тартибот идоралари ходимлари фаолиятига оид тасвирларни «обрўсизлантириш мақсадида» тарқатганлик учун жазони назарда тутувчи ўзгартиришни ҳали кўриб чиққани йўқ. Конституцияга кўра, Сенат қонунни кўриб чиқиши, акс ҳолда ҳужжат тўғридан-тўғри президентга юборилиши керак эди.
«Қонунчилик палатаси қонунларни маъқуллаб берувчи органга айланиб қолмоқда» — депутат Дониёр Ғаниев
Депутат Дониёр Ғаниев Қонунчилик палатаси Сенат каби қонунларни маъқуллаб берувчи органга айланаётгани ҳақида фикр билдирди. Унинг сўзларига кўра, қонун лойиҳаси ҳукумат томонидан илгари сурилган бўлса, уни ўзгартириш керак эмас, деган нотўғри қараш мавжуд.
«Демак, бизни алдаган бўлиб чиқяпсизлар». Депутат газ ва нефть ишлаб чиқарувчи компанияларга бериладиган имтиёзларга қарши чиқди
Фойдали қазилмалар қазиб олувчи компаниялар учун навбатдаги имтиёзни жорий этиш режа қилинмоқда. Келаси 2 йилда металл ва углеводородлар қазиб олишни бошлайдиганлар рента солиғидан умрбод озод этилиши мумкин. Депутат Дониёр Ғаниев бунга қарши чиқса-да, ҳамкасблари нормани барибир қабул қилди.
Депутатлар ҳуқуқ-тартибот ходимлари тасвирларини «обрўсизлантириш мақсадида» эълон қилганлик учун жазолаш кўзда тутилган қонунни қабул қилди
Қонунчилик палатаси йўл ҳаракати хавфсизлиги тизимини такомиллаштиришга қаратилган қонун қабул қилди. Ҳужжатда, шунингдек, Ўзбекистон ҳуқуқ-тартибот идоралари ходимларини «обрўсизлантириш мақсадида» сурат ва видеоларини интернетга жойлаганлик учун жазолаш тўғрисидаги банд ҳам ўрин олган.
«Ота-оналарнинг дардини кўриб йиғладим. Улардан бири менинг ҳам фарзандим бўлиши мумкин эди». Дониёр Ғаниев — «Док-1 Макс» ҳақида
Депутат Дониёр Ғаниев «Док-1 Макс» иши бўйича судда ота-оналарнинг дардини кўриб йиғлаганини айтди. Шундан келиб чиқиб, у ССВ раҳбари Амрилло Иноятовдан «қандай ҳулоса чиқардинглар, сиёсий жавобгарлик бўладими, бундай қўпол хато қайта такрорланмайди деб ваъда бероласизларми?» дея сўради. Видео.
«Снос»лар бўйича қарздорлиги бор ҳокимликларга бюджетнинг ошириб бажарилган қисмидан маблағ сарфлаш тақиқланади
Ҳокимликларга аҳоли ва бизнесдан «снос» ёки мулкни олиб қўйиш бўйича қарзи бўлган ҳолатда, бюджет даромадларининг прогноздан ошириб бажарилган қисмидан маблағ сарфлаш тақиқланади. Ўзбекистон ҳукумати қонун ҳужжатларига бу бўйича тегишли ўзгартиришлар киритади.
Нима ўқиймиз? Депутат Дониёр Ғаниев тавсия қилади
«Газета.uz» китобхонликни тарғиб этишга қаратилган «Нима ўқиймиз?» лойиҳасини давом эттиради. Сара асарлар, ўқилиши мақсадга мувофиқ ҳисобланган китоблар рўйхати ҳақида олим, тадқиқотчи, ёзувчи-шоир, таржимон, журналист ва жамоат фаолларининг тавсияларини сизга етказамиз.
Ўзбекистоннинг 2023 йил учун давлат бюджети лойиҳаси ҳануз парламентга киритилмади
Ўзбекистоннинг 2023 йилги давлат бюджети 15 декабрга қадар қабул қилиниши керак эди, бироқ лойиҳа ҳануз жамоатчилик муҳокамаси учун тақдим этилмади ва парламентга киритилмади. Ҳукумат кетма-кет тўртинчи йил муддатларни бузмоқда.
Ҳукумат лимитга мослаша олмаётгани учун депутатлардан бюджет тақчиллигининг чекланган миқдорини оширишни сўради
Ҳукумат бюджет тақчиллигининг амалдаги чекланган миқдорига мослаша олмаяпти, шу боис парламентдан уни 4 фоизгача оширишни сўради, бу эса давлат харажатларининг 8 трлн сўмга ошишини англатади. Жамшид Қўчқоровнинг айтишича, келаси йилги бюджет лойиҳасини тайёрлаш ишлари қарийб якунига етган.
Гўшт ва ёғ импортига нол даражали ҚҚС ставкаси муддати узайтирилиши мумкин
Бир қатор озиқ-овқат маҳсулотлари, жумладан, гўшт, ўсимлик ёғи ва картошкани олиб кириш ва сотишда қўшилган қиймат солиғининг нол ставкаси 2022 йил охиригача узайтирилиши режалаштирилмоқда, — дея маълум қилди депутат Дониёр Ғаниев. Банан, ананас ва бошқа цитрус мевалари учун импорт божлари имтиёзлари ҳам узайтирилиши мумкин.
Сенат «снос» тўғрисидаги қонунни қайтариши мумкин
Сенат «снос» тўғрисидаги қонунни қуйи палатага қайтариши кутилмоқда. Сенаторларнинг фикрича, қонунни қайта кўриб чиқишга 7 та моддадаги камчиликлар ва очиқ қолган масалалар сабаб бўлмоқда. Депутат Расул Кушербаев эса бу нотўғри эканлигини айтиб, қонун қайтгудек бўлса, Қонунчилик палатаси ҳужжатни президентга тўғридан-тўғри киритиши мумкинлигини эслатиб ўтди.
Депутат 2022 йил учун Давлат бюджети лойиҳаси кечикаётганини маълум қилди
Вазирлар Маҳкамаси 15 октябргача лойиҳани тақдим этиши керак бўлсада, Олий Мажлис Қонунчилик палатасига 2022 йилги бюджет лойиҳаси ҳалигача келиб тушмади, дея маълум қилди депутат Дониёр Ғаниев. Унинг сўзларига кўра, ҳукумат июнь ойида янгиланган ўрта муддатли фискал стратегияни тасдиқлаши керак эди, бироқ бу ҳали амалга ошмаган.
Букмекерлик фаолияти билан шуғулланишга фақат Ўзбекистон резидентларига рухсат бериш таклиф этилди
Қонунчилик палатаси аъзоси Дониёр Ғаниев фақатгина Ўзбекистон резидентларига букмекерлик билан шуғулланишга рухсат беришни таклиф қилмоқда. Депутат норезидент букмекерларга Ўзбекистон банк тизимидан тўловлар амалга оширилишини тақиқлаш кераклигини ҳам айтди. Шунингдек, у тотализаторларни реклама ва тарғибот қилишга рухсат бермаслик ҳамда жисмоний шахслар учун «ставка"ларнинг максимум чегарасини белгилаш таклифини илгари сурди.
«Ҳеч қандай „лазейка“ ларга жой қолмасин». Дониёр Ғаниев Ер кодексига киритилаётган ўзгартишлар ҳақида
Қонунчилик палатаси депутати Дониёр Ғаниев ерга оид президент фармони, унинг асосида Ер кодексига киритилаётган ўзгартиш ва қўшимчалар юзасидан фикр билдириб, қонунчиликда «лазейка"лар қолдириб кетилаётганига эътибор қаратди. Жумладан, чет эл фуқаролари ва юридик шахсларига ерни ижрага бериш, ДХШ асосида ердан фойдаланиш, кўп квартирали уйга туташ участкаларни ажратиш, қолаверса, якка тартибдаги уйни хусусий мулк тарзида бериш масалаларида қонунчиликда «бўшлиқ"лар қолдирилгани айтилмоқда.
«Ҳокимият вакилининг қонуний фаолиятига қаршилик кўрсатиш сони ошган». Депутатлар янги қонун лойиҳаси ҳақида
Ҳокимият вакилига қаршилик кўрсатганлик учун жиноий жавобгарлик кучайтирилиши кутилмоқда. Қонунчилик палатаси депутати Алишер Қодиров бунга ҳуқуқни муҳофаза қилувчиларнинг қонуний фаолиятига қаршилик кўрсатиш сони ошиб бораётганлигини сабаб қилиб кўрсатди. Депутат Дониёр Ғаниев бундай ҳолатлар ички ишлар органлари ходимларининг соғлиғига зарар бўлаётганлигини таъкидлади.
Энг кўп ўқилган хабарлар | Сўнгги янгиликлар
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
Қўшимча имкониятлардан фойдаланиш учун сайтда рўйхатдан ўтинг